Hoppað í hnapphelduna
Föstudaginn 19. júní 2026 býður Siðmennt pörum að ganga í hjónaband í snarpri, merkingarþrunginni, hátíðlegri og síðast en ekki síst lögformlegri athöfn.
Viðburðurinn verður haldinn í Tjarnarsal Ráðhúss Reykjavíkur og er þetta í fimmta sinn sem Siðmennt heldur slíkan viðburð.
Áhugasöm eru hvött til að skrá sig sem fyrst á meðfylgjandi formi. Staðfestingarpóstur verður sendur með þeim tíma sem pari hefur verið úthlutað.
Verð
Ekkert gjald ef bæði hjónaefni eru félagar á vígsludag.
7.500 ef annað hjónaefna er félagi.
15.000 ef hvorugt hjónaefna er félagi.
Ekki er nauðsynlegt að vera skráður félagi í Siðmennt, en ef áhugi er fyrir hendi er auðvelt að velja til hvaða lífsskoðunarfélags sóknargjöldin þín renna á www.island.is
Annað
Athafnirnar taka um 20-30 mínútur hver.
Boðið verður upp á lifandi tónlist og fallegt umhverfi.
Gestir velkomnir, hámark 18 (að hjónaefnum undanskildum).
Stundvísi er nauðsynleg.
Fyrirspurnir sendist á athafnir@sidmennt.is
Til að hjónavígsla hafi lagalegt gildi þurfa hjónaefni að fá útgefið könnunarvottorð.
*Hjónaefni sem eru með íslenska kennitölu, rafræn skilríki og með lögheimili á Íslandi geta sótt um tilskilin vottorð í gegnum https://island.is/um-hjonaband.
*Hjónaefni sem ekki eru fædd á Íslandi og/eða eru ekki með lögheimili hér á landi geta fyllt út þetta eyðublað og sótt um tilskilin vottorð hjá Sýslumannsembættinu í Vestmannaeyjum á netfangið gifting@syslumenn.is (s. 458-2900).
*Könnunarvottorð má ekki vera eldra en 30 daga á vígsludegi.