Einföld hjónavígsla

Siðmennt býður upp á stutta útgáfu af löglegum hjónavígslum í Ráðhúsi Reykjavíkur.

Athafnirnar taka 10 mínútur hver og gert ráð fyrir að heildartíminn sé um 20 mínútur. Gestir eru velkomnir en ekki nauðsynlegir að undanskildum einum votti.

Athöfnum veturinn 2025-2026 er lokið en dagsetningar fyrir haustið 2026 verða auglýstar síðar. 

Á meðan bendum við á Hoppað í hnapphelduna í Tjarnarsal Ráðhúss Reykjavíkur föstudaginn 19.júní 2026. 

Verð
Kostnaður við stuttar athafnir er 45.000 kr og er afsláttur fyrir félaga í Siðmennt 7.500kr á hvorn einstakling.

Það kostar ekkert að gerast félagi í Siðmennt. Ekki er nauðsynlegt að vera skráður félagi í Siðmennt en ef áhugi er fyrir hendi er auðvelt að velja til hvaða lífsskoðunarfélags sóknargjöldin þín renna á www.island.is

Annað

Athafnirnar taka um 10-15 mínútur hver.
Gestir velkomnir.
Stundvísi er nauðsynleg.

Til að hjónavígsla hafi lagalegt gildi þurfa hjónaefni að fá útgefið könnunarvottorð.

*Hjónaefni sem fædd eru á Íslandi og hafa lögheimili á Íslandi geta sótt um tilskilin vottorð í gegnum www.island.is.

*Hjónaefni sem ekki eru fædd á Íslandi og/eða eru ekki með lögheimili hér á landi geta sótt um tilskilin vottorð hjá Sýslumannsembættinu í Vestmannaeyjum á netfangið gifting@syslumenn.is (s. 458-2900).

*Könnunarvottorð má ekki vera eldra en 30 daga á vígsludegi.