Á íþróttanámskeiðinu er námsefni fermingarfræðslunnar tengt markvisst við íþróttaiðkun þátttakenda hverju sinni og þeir hvattir til að beita efninu á raunveruleg dæmi úr eigin lífi. Gerðar eru fjölbreyttar æfingar sem reyna á skilning á hugtökum námsefnisins; alls kyns leikir leikir notaðir til miðlunar og kennslu, og börnin hvött til umræðu, samvinnu og gagnrýnnar hugsunar. 

Námskeiðið er kennt á tveimur helgum, alls fjögur skipti, fjórar klukkustundir í senn og hentar öllum krökkum sem hafa áhuga á eða stunda íþróttir, af hvaða toga sem er.